(បរទេស)៖ ក្រុមរងជើងឯក World Cup 2022 មាន់គកបារាំង បានលត់ក្រុមនៅអាស៊ី អ៉ីរ៉ាក់ ៣ទល់នឹង០ នាព្រឹកថ្ងៃអង្គារនេះ នៅពេលខ្សែប្រយុទ្ធ Kylian Mbappe រកបាន ២គ្រាប់ម្នាក់ឯង តាមស្មើកំណត់ត្រា Miroslav Klose ដោយមាន ១៦គ្រាប់។

៣ពិន្ទុពេញក្នុងវគ្គសន្សំពិន្ទុលើកទី២ ប្រចាំពូល I បានញាំងឲ្យបារាំង ម្ចាស់ជើងឯក World Cup ២សម័យកាល បានឆ្លងទៅវគ្គ ៣២ក្រុមជាមួយម្ចាស់ផ្ទះមិចស៊ិក និងអាមេរិក រួមទាំងអាល្លឺម៉ង់ និងម្ចាស់ការពារតំណែងជើងឯក អាហ្សង់ទីនទៀតផង។

គួរបញ្ជាក់ផងថា Mbappe វ័យទើបតែ ២៥ឆ្នាំ និងលេងនៅ World Cup បាន ៣លើកមកនេះតាំងពីឆ្នាំ២០១៨ នៅប្រទេសរុស្ស៊ី ក៏ប៉ុន្តែមានសមត្ថភាពរកបាន ១៦គ្រាប់ចាញ់ Lionel Messi អតីតមិតរួមក្រុមនៅក្លិប PSG តែ ២គ្រាប់ប៉ុណ្ណោះ ខណ: World Cup 2026 ជាឱកាសចុងក្រោយរបស់ខ្សែប្រយុទ្ធវ័យ ៣៩ឆ្នាំ។

ក្នុងប្រវត្តិសាស្រ្តបាល់ទាត់ពិភពលោក World Cup កីឡាករ Messi មាន ១៨គ្រាប់ច្រើនជាងគេ តាមពីក្រោយដោយ Mbappe និង Klose មាន ១៦គ្រាប់ស្មើគ្នា ហើយ Ronaldo ប្រេស៊ីលមាន ១៥គ្រាប់៕