នៅតែខ្លាំងមិនធម្មតា! ក្រុមជម្រើសជាតិម៉ូតូទឹកកម្ពុជាឈ្នះមេដាយមាស ៥ ប្រាក់ ២ ក្នុងកម្មវិធី Jet Ski World Series
July 14, 2026
ក្រុមជម្រើសជាតិកីឡាម៉ូតូទឹកកម្ពុជា នៅតែបង្ហាញខ្លាំង និងអស្ចារ្យលើឆាកអន្តរជាតិពិសេសនោះគឺក្នុងព្រឹត្តិការណ៍ប្រណាំងម៉ូតូទឹកពិភពលោក (Jet Ski World Series) ជុំទី១ នៅប្រទេសប៊ុលហ្គោរី ដោយឈ្នះបានមេដាយមាស ៥ ប្រាក់ ២ សរុប ៧គ្រឿង។
នេះបើតាមប្រភពពី CGB Media បានបញ្ជាក់ថា ការប្រកួតនៅជុំទី១ នៃព្រិត្តិការណ៍ប្រណាំងម៉ូតូទឹកពិភពលោក (Jet Ski World Series) នេះគឺចាប់ពីថ្ងៃទី៨ ខែកក្ដដា ឆ្នាំ២០២៦ រហូតដល់ថ្ងៃទី១២ ខែកក្ដដា ឆ្នាំ២០២៦ ដែលទើបបញ្ចប់កាលពីម្សិលមិញនេះនៅឯប្រទេសប៊ុលហ្គោរី។ តាមរយៈការប្រកួតនេះកម្ពុជាឈ្នះមេដាយបានសរុប ៧គ្រឿង មាស ៥ ប្រាក់ ២ ក្នុងនោះអ្នកឈ្នះរួមមាន៖
កីឡាករ ម៉ីន អូស្មាន់ ទទួលបានមេដាយមាស ១គ្រឿង លើវិញ្ញាសារ Novice Ski Stock
កីឡាករ ទៀត សាលេះ ទទួលបានមេដាយមាស ១គ្រឿង លើវិញ្ញាសារ NOVICE RUNABOUT 1100 Stocks
កីឡាករ កៃ វ៉ាន់ស៊ីដែន ទទួលបានមេដាយមាស ១គ្រឿង លើវិញ្ញាសារ Amateur Ski 4 Stroke Lites
កីឡាករ សាលី អ៊ូមើត ទទួលបានមេដាយមាស ១គ្រឿង លើវិញ្ញាសារ Sport GP
កីឡាករ កៃ វ៉ាន់ស៊ីដែន ទទួលបានមេដាយមាស ១គ្រឿង លើវិញ្ញាសារ Amatuer Ski Modified
កីឡាករ ម៉ីន មូស្តាន ទទួលបានមេដាយប្រាក់ ១គ្រឿង លើវិញ្ញាសារ Exspert Ski GP
កីឡាករ ម៉ីន អូស្មាន់ ទទួលបានមេដាយប្រាក់ ១គ្រឿង លើវិញ្ញាសារ Amatuer Ski Modified
បញ្ជាក់ដែរថា ការប្រកួតប្រណាំងម៉ូតូទឹកពិភពលោក (Jet Ski World Series) ជុំទី១ ដែលបានធ្វើនៅឯប្រទេសប៊ុលហ្គោរី កាលពីថ្ងៃទី៨ ដល់១២ ខែកក្ដដា ឆ្នាំ២០២៦ នេះបានបញ្ចប់ទៅហើយដោយកម្ពុជាឈ្នះបានមេដាយសរុប ៧គ្រឿង មាស៥ ប្រាក់២។ ការប្រកួតនៅជុំទី២ នឹងធ្វើឡើងនៅសហរដ្ឋអាមេរិក ចាប់ពីថ្ងៃទី៨ ដល់ថ្ងៃទី១១ ខែតុលា ឆ្នាំ២០២៦៕
